महाकवि देवकोटा क्याम्पसमा हाजिरी जवाफ प्रतियोगिता सम्पन्न

मिति २०८०/०१/२९ गतेका दिन महाकवि देवकोटा क्याम्पस अन्तर्गत सेममेस्टर तर्फ BBA & BICTE कार्यक्रममा अध्ययन गर्ने विद्यार्थीहरुको समूह Creative Club को आयोजनामा विद्यार्थीहरुलाई नवीनतम ज्ञान प्रदान गर्ने उद्धेश्यले क्याम्पसको सभाहलमा हाजिरी जवाफ प्रतियोगिता सम्पन्न भएको छ ।

Creative Club का अध्यक्ष ब्रिजेश भट्टराईको अध्यक्षता, महाकवि देवकोटा क्याम्पसका क्याम्पस प्रमुख नारायण प्रसाद ढकालको प्रमुख आतिथ्यतामा सम्पन्न भएको उक्त प्रतियोगितामा सहायक क्याम्पस प्रमुख प्रकाश जि.सी. महाकवि देवकोटा क्याम्पस अतिरिक्त क्रियाकलाप शाखा संयोजक सुलोचना अर्याल, BICTE Co-ordinator हरिदत्त शर्मा, BBA र BICTE अध्यापन गर्ने शिक्षक साथैै दुवै कार्यक्रमका विभिन्न सेमेस्टरमा अध्ययनरत विद्यार्थी गरी ८० बढीको सहभागिता रहेको थियो ।

सात समूहको प्र्रतिस्पर्धा रहेको उक्त प्रतियोगितामा १०५ अङ्क सहित आदित्य क्षेत्रीको Group D प्रथम, १०० अङ्क सहित अङ्किता शर्माको Group B द्वितीय, ६० अङ्क सहित आशुतोष पाण्डेको Group E तृतीय भएका थिए । विजेता समूहलाई प्रमुख अतिथि क्याम्पस प्रमुख ढकाल र सभाध्यक्ष भट्टराईले मेडल तथा प्रमाणपत्र प्रदान गर्नु भएको थियो । उक्त प्रतियोगितामा बी.बी.ए चौथो सेमेस्टरमा अध्ययनरत छात्रा समिक्षा गैरेको संचालन र क्लवकी सदस्य शिक्षा भट्टराईको स्वागत मन्तव्य रहेको थियो ।