महाकवि देवकोटा क्याम्पसमा गजल वाचन प्रतियोगिता सम्पन्न

महाकवि देवकोटा क्याम्पस अतिरिक्त क्रियाकलाप शाखाको आयोजनामा यसै क्याम्पसको सभाहलमा आज मिति २०८०/०२/१९ गतेका दिन विद्यार्थीहरुमा रहेको सिर्जनशीलताको विकास गर्ने उद्धेश्यले गजल वाचन प्रतियोगिता सम्पन्न भएको छ ।

महाकवि देवकोटा क्याम्पस अतिरिक्त क्रियाकलाप शाखाका संयोजक सुलोचना अर्यालको अध्यक्षता, क्याम्पस संचालक समितिका अध्यक्ष कृष्ण प्रसाद लामिछानेको प्रमुख आतिथ्यता, क्याम्पस प्रमुख नारायण प्रसाद ढकालको विशेष आतिथ्यतामा संचालन गरिएको उक्त प्रतियोगितामा शिक्षक ऋषि पोेखरेल र शिक्षिका पवित्रा पौडेल निर्णायक मण्डलमा रहनु भएको सो प्रतियोगितामा सहायक क्याम्पस प्रमुख प्रकाश जि.सी. क्याम्पसका शिक्षक शिक्षिका, प्रतिष्पर्धी विद्यार्थी साथै क्याम्पसको शिक्षाशास्त्र संकायमा अध्ययन गर्ने विद्यार्थी गरी ५० बढीको सहभागिता रहेको थियो । प्रतियागितामा ज्योति शर्मा प्रथम, बादल पाण्डे द्वितीय र अञ्जली ठाकुर तृतीय भएका थिए ।

प्रतियोगितामा प्रथम,द्वितीय र तृतीय विद्यार्थीहरुलाई सभाध्यक्ष तथा प्रमुख अतिथिद्वारा प्रमाणपत्र तथा मेडल प्रदान गरिएको थियो । उक्त प्रतियोगितामा प्रमुख अतिथि लामिछानेले यस्ता प्रतियोगिताले विद्यार्थीहरुमा सिर्जनशीलता विकास हुने विचार व्यक्त गर्दै प्रतिस्पर्धामा सहभागि हुन सबैलाई आग्रह गर्नु भयो । कार्यक्रममा शिक्षक भिभलाल ढकालको संचालन रहेको थियो ।