लोकसेवा तयारी सम्बन्धी अभिमुखिकरण कार्यक्रम सम्पन्न

आज मिति २०८१/०९/०५ गतेका दिन महाकवि देवकोटा क्याम्पस विद्यार्थी परामर्श शाखाको आयोजनामा यसै क्याम्पसको सभाहलमा स्नातक तहमा अध्ययनरत विद्यार्थीहरुलाई सरकारी सेवामा प्रवेश सम्बन्धी जानकारी दिने उद्धेश्यले आयोजना गरिएको लोकसेवा तयारी सम्बन्धी अभिमुखिकरण कार्यक्रम सम्पन्न भएको छ ।

महाकवि देवकोटा क्याम्पस शिक्षा तथा मानविकी सङ्काय प्रमुख बबिन शर्मा सापकोटाको अध्यक्षता, सुनवल नगरपालिकाका शाखाअधिकृत खेमराज ढकालको प्रशिक्षकत्व रहेको उक्त कार्यक्रममा क्याम्पसमा प्रध्यापनरत शिक्षकहरु साथै क्याम्पसको शिक्षाशास्त्र र व्यवस्थापन सङ्काय स्नातक तह तेस्रो र चौथो वर्षमा अध्ययनरत विद्यार्थीहरु गरी १२७ जनाको उपस्थिति रहेको थियो । सो कार्यक्रममा प्रशिक्षक ढकालले सरकारी सेवामा प्रवेश गर्नको लागि दिनु पर्ने लोकसेवाको तयारी सम्बन्धमा जानकारी दिनुभएको थियो ।

उक्त अवसरमा सभाध्यक्ष शर्माले महाकवि देवकोटा क्याम्पसले विद्यार्थीहरुको चौतर्फी विकास गर्न समय समयमा लोकसेवा तयारी, शिक्षकसेवा तयारी, बैंकिङ् तयारी, विभिन्न विषयमा तालिम तथा प्रशिक्षण कार्यक्रम संचालन गरिरहेको हुनाले यस्ता कार्यक्रममा विद्यार्थीहरुको सक्रिय सहभागिताको लागि आग्रह गर्नुभयो । उक्त कार्यक्रममा शिक्षक सूर्य प्रसाद ढकालले सहजिकरण गर्नुभएको थियो ।