अभिभावक शिक्षक अन्तक्रिया कार्यक्रम सम्पन्न

आज मिति २०८१/०९/०३ गतेका दिन महाकवि देवकोटा क्याम्पसको आयोजनामा यसैै क्याम्पसको सभाहलमा अभिभावकहरुसँग क्याम्पसको शैक्षिक क्रियाकलापको बारेमा छलफल गर्ने उद्धेश्यले संचालन गरिएको अभिभावक शिक्षक अन्तक्रिया कार्यक्रम सम्पन्न भएको छ ।

महाकवि देवकोटा क्याम्पस संचालक समितिका अध्यक्ष कृष्ण प्रसाद लामिछानेको अध्यक्षता, क्याम्पस प्रमुख नारायण प्रसाद ढकालको विशेष अतिथ्यता रहेको उक्त कार्यक्रममा सहायक क्याम्पस प्रमुख, वि.वि.ए. एम.वि.एस. कार्यक्रम संयोजक, वि.वि.ए.शैक्षिक क्रियाकलाप संयोजक, अतिरिक्त क्रियाकलाप संयोजक, सार्वजनिक सूचना शाखाका संयोजक साथै महाकवि देवकोटा क्याम्पस अन्तर्गत व्यवस्थापन संकाय स्नातक तह वि.वि.ए. प्रथम सेमेस्टर साथै शिक्षाशास्त्र संकाय स्नातक तह वि.आइ.सि.टि.इ.प्रथम सेमेस्टरमा अध्ययन गर्ने विद्यार्थीहरुका अभिभावक गरी ५२ जनाको उपस्थिति रहेको थियो ।

उक्त अवसरमा वि.वि.ए. शैक्षिक क्रियाकलाप संयोजक विकाश रानाले क्याम्पसको समग्र शैक्षिक क्रियाकलापको बारेमा स्पष्ट पार्नुभएको थियो । सोही अवसरमा सभाध्यक्ष लामिछानेले देवकोटा क्याम्पसको शैक्षिक गुणस्तरलाई विश्वास गरेर आफ्ना छोरा छोरीहरुलाई क्याम्पसमा भर्ना गरेकोमा सम्पूर्ण अभिभावकलाई धन्यवाद दिँदै आफूले क्याम्पसको शैक्षिक गुणस्तरको जिम्मा लिने वचन बद्धता व्यक्त गर्नुभयो । उक्त अवसरमा अभिभावकहरुले क्याम्पसको शैक्षिक गुणस्तरको खुलेर प्रसंशा गर्नु भएको थियो । कार्यक्रमका विशेष अतिथिद्वारा स्वागत मन्तव्य प्रस्तुत गरिएको उक्त कार्यक्रमको संचालन सार्वजनिक सूचना शाखाका संयोजक उप प्राध्यापक हरिदत्त शर्माले गर्नु भएको थियो ।